Хөгжлийн банкинд 779.6 тэрбум төгрөгийн эргэн төлөлт хийгджээ
Эдийн Засаг
Монгол Улсын хөгжлийн банкинд энэ оны нэгдүгээр сарын 20-ны өдрөөс хойш аравдугаар сарын 31 дуусталх хугацаанд нийт 779.6 тэрбум төгрөгтэй тэнцэх хэмжээний эргэн төлөлт хийгдээд байгаа талаар Хөгжлийн банкнаас мэдээллээ.
Үүнээс бэлэн мөнгөөр 681.2 тэрбум төгрөг, өмчлөх бусад үл хөдлөх хөрөнгөөр 98.4 тэрбум төгрөг төлөгджээ.
Нийт 14 зээлдэгчийн зээл хаагдсанаас 12 зээл нь бэлнээр буюу 278.3 тэрбум төгрөгөөр, хоёр зээл нь өмчлөх бусад үл хөдлөх хөрөнгөөр хаагдаад байна.
Хөгжлийн банк нь өнгөрөгч аравдугаар сарын 31-ний өдрийн байдлаар 53 зээлдэгчийн 2.8 их наяд төгрөгтэй тэнцэх хэмжээний багцын үлдэгдэлтэй байна. Үүнээс 34.5 хувь нь төрийн өмчит компанийн найман зээлдэгчийн 890.0 тэрбум төгрөгийн, 65.5 хувь нь хувийн хэвшлийн 45 зээлдэгчийн 1.9 их наяд төгрөгийн зээл, хүүгийн үлдэгдэл аж.
Холбоотой мэдээ
