Төрийн гурван өндөрлөг нэгдмэл бодлоготой ажиллаж буйг Төв аймгийн иргэд сайшаав
Улс Төр
Монгол Улсын Ерөнхий сайд Л.Оюун-Эрдэнэ Төв аймгийн иргэдтэй уулзалт хийлээ. Ерөнхий сайд Засгийн газраас хэрэгжүүлж буй ажлаа танилцуулж, иргэдийн сонирхсон асуултад хариулт өглөө.
Уулзалтын
үеэр Төв аймгийн Зуунмод сумын өндөр настан н.Содномдаржаа Ерөнхий сайдад
хандан “Ерөнхийлөгч, УИХ-ын дарга та гурав нэгдмэл хүчээр ажиллаж, улс орноо
хөгжүүлэх зайлшгүй шаардлага бий. Үүнд анхаарал хандуулж, сайн ажиллаарай”
гэдгийг захиж
байлаа.
Түүнчлэн
ҮАБЗ-ийн гишүүд болох төрийн гурван өндөрлөг төрийн бодлогыг нэг цонхоор харж,
нэгдмэл байр суурьтай байгаад талархалтай явдгаа ч иргэдийн төлөөлөл илэрхийлж,
улс орны хөгжлийн төлөө хамтын хүчээр урагшлах нь чухал гэдгийг ч яриандаа
онцолж байв.
Ерөнхий
сайд Л.Оюун-Эрдэнэ Төв аймгийн нэг цонхны үйлчилгээтэй танилцсаны дараа Зуунмод
хотын иргэдэд төрийн хүнд суртлыг багасгаж буй талаар мэдээлэл өгсөн юм.
Тэрбээр “Бид Засгийн газрын 11-11 төвийг өөрчилж, E-Mongolia цонхтой холбож
байгаа. Иргэдээс ирсэн санал асуулгыг графикаар гаргаад Засгийн газрын
хуралдаанд оруулдаг болно. E-Mongolia цонхоор үйлчлүүлснээр хэн нэгэн албан
тушаалтан дээр очихгүй төрийн үйлчилгээг гар утсаараа авна гэдэг хүнд сурталтай
нүүр тулахгүй. Энэ хэрээр авлига буурна. Жолооны үнэмлэхийг та заавал биедээ
авч явах шаардлагагүй болж байна. Энэ мэт шинэчлэлийг E-Mongolia-р дамжуулж
хийж байна” гэсэн
юм.
Уулзалтад
Ерөнхий сайдтай хамт Барилга хот байгуулалтын сайд Б.Мөнхбаатар болон Төв аймгаас
сонгогдсон гишүүд, орон нутгийн удирдлагууд байлцав.
Холбоотой мэдээ
