Ангуучийн тулааны тов ирэх 11-р сард зарлагдлаа
Нийгэм
Монголын холимог тулааны урлагийн MFC холбоо, АНУ-ын "Dragonhouse MMA"-тай хамтран ирэх арваннэгдүгээр сарын 13-ны өдөр "Zhong Luo series 02" өдөрлөгийг зохион байгуулах гэж байна.
Энэ удаагийн өдөрлөгт нийт 23 тулаанч оролцох бөгөөд Монгол Улсыг төлөөлөн “Ангууч” хочит Б.Баттөр, чөлөөт бөхийн дэлхийн аваргын мөнгөн медальт, гавьяат тамирчин П.Өнөрбат, залуу тамирчин Ө.Тэмүүжин нар оролцохоор нэрс нь тодорчээ.
Өдгөө 26 настай Ангуучийн хувьд хамгийн сүүлд 2019 оны нэгдүгээр сард "Mongol FC-1" өдөрлөгийн хүрээнд Казахстаны Али Кабдуллатай тулалдаж, ялагдсан. Харин гавьяат тамирчин П.Өнөрбатын хувьд холимог тулааны анхны тэмцээндээ оролцох гэж байгаа бол Ө.Тэмүжин нийт таван тулаан хийж, дөрөв ялж, нэг ялагдсан үзүүлэлттэй байгаа юм.
