ЭЕШ зургадугаар сарын 15-нд эхэлнэ
Нийгэм
Боловсролын Үнэлгээний Төв(БҮТ)-өөс 2023 оны Элсэлтийн Ерөнхий Шалгалт(ЭЕШ)-ын хуваарийг танилцууллаа.
ЭЕШ зургадугаар сарын 15-нд Улаанбаатарын цагаар 10:00 цагт Түүхийн хичээлийн шалгалтаар эхэлнэ. Тухайн өдөр Англи хэлний шалгалт мөн зохион байгуулагдах юм.
Энэ жил улсын хэмжээнд Ерөнхий боловсролын сургуулийн арванхоёрдугаар анги төгсөгчид болох 34,117 шалгуулагч байна.
Мөн өмнөх оны төгсөгчид нэмж бүртгүүлснээр нийт 40 мянга орчим шалгуулагч энэ жил элсэлтийн ерөнхий шалгалт өгөх урьдчилсан тооцоолол бий.
