Он гарснаас хойш монгол улс 223 мянган жуулчин хүлээж
Нийгэм
Монгол Улсын Засгийн газар 2023-2025 оныг “Монголд зочлох жил” болгон зарласантай холбогдуулан, энэ жилд 1 сая жуулчин хүлээж авах зорилтыг тавьсан.
2023 оны нэгдүгээр сарын 1-нээс зургаадугаар сарын 20-ны өдрийн хооронд нийт 283,340 жуулчин хүлээж авах зорилтыг БОАЖЯ тавиад байсан бөгөөд энэ хугацаанд Монгол Улсад 223,680 жуулчин хүрэлцэн ирсэн байна. Зорилт 78.94 хувь биелсэн талаар яамнаас мэдэгдлээ.
Монгол Улсад энэ онд зочилсон жуулчдын ихэнх хувийг ОХУ, БНХАУ, БНСУ, Казакстан болон Япон улсын иргэд бүрдүүлж байна. ОХУ-аас нийт жуулчдын 49.41 хувь буюу 110,529 БНХАУ-аас 18.39 хувь буюу 40,000 орчим жуулчин иржээ.
Эх сурвалж: Монголын аялал жуулчлалын холбоо
