“Сүү" ХК нь энэ оны эхний хагаст 8.8 тэрбум төгрөгийн ашигтай ажиллав
Эдийн Засаг
“Монголын хөрөнгийн бирж” ХК-ийн 1 ангилалд бүртгэлтэй “СҮҮ ХК-ийн Гүйцэтгэх захирал М.Болод 08 дугаар сарын 18-ны өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.
Сүү ХК нь:
Орлого: 73.5 тэрбум төгрөг (Өмнөх оны мөн үеэс 38% өссөн үзүүлэлт)
Ашиг: 8.8 тэрбум төгрөг (Өмнөх оны мөн үеэс 2.3 дахин өссөн үзүүлэлт)
Онцлох үйл явдал:
65 жилийн ойтойгоо золгож буй Сүү ХК нь энэ онд санхүүгийн үзүүлэлтүүдээ эрс сайжруулж, бүтээгдэхүүний өртгийг бууруулсны зэрэгцээ стратегийн томоохон хөрөнгө оруулалтад анхаарч, үйлдвэрлэлийн хүчин чадлаа нэмэгдүүлсэн. Тухайлбал, “Миний Монголын сүү” үйлдвэрлэх шугам шинэчлэгдсэнээр үйлдвэрлэлийн хүчин чадал хоёр дахин нэмэгдсэн байна.
Мөн хүүхдэд зориулсан бүтээгдэхүүн үйлдвэрлэх шугам суурилуулснаар зах зээлд нийлүүлэх бүтээгдэхүүний нэр төрөл, хэмжээ нэмэгдсэн.
Цаашид Сүү ХК нь импортыг орлох сүүн бүтээгдэхүүний хөгжүүлэлтэд анхаарч, хүүхдийн болон эрүүл мэндийн сүүн бүтээгдэхүүнийг зах зээлд шинээр нэвтрүүлэхээр зорьж байна. Мөн тараг үйлдвэрлэх цехийг шинэчлэх ажлыг эхлүүлсэн.
Малчдын сүү бэлтгэлийн тогтолцоог хөгжүүлэх ажлын хүрээнд дөрвөн хоршооны дэд бүтцийг өөрийн хөрөнгөөр санхүүжүүлж, нийт санхүүжүүлсэн хоршоодын тоо 14-т хүрсэн.
ISO 17025 стандартаар 10 дахь удаагаа итгэмжлэгдлээ.
2023 оны эхний хагасын ноогдол ашгийг 2024 оны 2-р сарын 10 дотор олгохоор шийдвэрлэсэн.
Дэлгэрэнгүй тайлантай энд дарж танилцана уу.
Шууд дамжуулалтыг эндээс хүлээн авч үзнэ үү.
МОНГОЛЫН ХӨРӨНГИЙН БИРЖ
