Сонсголонгийн гүүрний орчимд хүүхэд голын усанд осолдож амиа алдлаа
Нийгэм
Өнөөдөр Хан-Уул дүүргийн 9 дүгээр хороо Сонсголонгийн гүүрний орчимд хүүхэд голд живчихлээ гэсэн дуудлага 15:01 цагт ирсэн. Аврах ангийн бүрэлдэхүүнийг очиход бага насны 2 хүүхэд усанд живснийг нэгийг нь иргэд татаж уснаас гаргасан, нэг нь голд урссан гэсэн мэдээлэлтэй байжээ.
Эрэн хайх ажиллагааны үед осолдсон газраас 20-25 метрийн зайд 2 метрийн гүнд хүүхэд амиа алдсан байсныг гаргаж, холбогдох байгууллагад хүлээлгэн өгчээ.
Эцэг эх, асран хамгаалагчдад хүүхдийн аюулгүй байдлыг хангахыг Нийслэлийн Онцгой байдлын газраас онцгойлон анхааруулж байна.
Сэтгэгдлүүд