2023 ОНЫ ТӨСВИЙН ТӨСЛИЙН ТАЛААРХ ИРГЭДИЙН САНАЛЫГ “D-PARLIAMENT” ЦАХИМ ХУУДАС БОЛОН УТСААР АВЧ БАЙНА
Улс Төр
Улсын Их Хурлын 2022 оны намрын ээлжит чуулганаар Монгол Улсын 2023 оны төсвийн төслийг хэлэлцэж, хоёр дахь хэлэлцүүлэгт шилжүүлсэнтэй холбогдуулан Төсвийн байнгын хорооноос анх удаа “Төсөв-2023” олон нийтийн нээлттэй хэлэлцүүлгийг энэ сарын 19-ний өдөр Төрийн ордонд зохион байгуулах гэж байна.
Монгол Улсын төсвийг хэлэлцэх, батлах үйл явцыг олон нийтийн өмнө нээлттэй, ил тод болгох үүднээс иргэдийн оролцоо, хяналтыг тавих боломжийг хангасан шинэ жишгийг тогтоосон энэхүү хэлэлцүүлгийг зохион байгуулах гэж буйтай холбогдуулан иргэд төсвийн талаарх саналаа өгөх нь нээлттэй байгаа юм.
Олон нийтийн нээлттэй, хяналттай хэлэлцүүлэгт иргэд, төсөв, санхүүгийн чиглэлээр мэргэшсэн иргэний нийгмийн болоод мэргэжлийн судалгааны байгууллагуудын саналыг “D-Parliament” цахим хуудас, D@parliament.mn мэйл хаяг болон 51-262727утсаар аравдугаар сарын 7-ноос 17-ны өдрийг хүртэл хүлээн авч байна.
