ХХААХҮЯ: Энэ өвөл 84.5 хувийн өвс, тэжээлийн нөөцтэй байна
Нийгэм
Улсын хэмжээнд энэ өвөл бэлтгэвэл зохих өвс, тэжээлийнхээ 84.5 хувийг базаажээ.
Тухайлбал, нийт 1.1. сая тонн өвс, 15 мянган тонн сүрэл, 88 мянган тонн ногоон тэжээл, 32.4 мянган тонн үйлдвэрийн тэжээл, 47.9 мянган тонн гар тэжжээл, 13.1 мянган тонн дарш, 92.2 мянган тонн хужир шүү бэлтгээд байна.
Харин аймаг, нийслэл, сум, дүүргийн өвс, тэжээлийн аюулгүйн нөөцөд өвс 21 мянга, тэжээл 8.2 мянган тонныг бэлтгэжээ. Ингэснээр аймаг, нийслэл, сум, дүүрэгт бэлдвэл зохихөвс, тэжээлийн аюулгүйн нөөцийн өвсний 94, тэжээлийн 69 хувийг зэхсэнийг ХХААХҮЯ мэдээллээ.
Түүнчлэн, газар тариалангийн үйлдвэрлэлийн ногоон тэжээл, гурилын үйлдвэрээс гарах тэжээл, мөн тэжээл болгох улаанбуудай зэргээс 220 мянган тонн хүчит тэжээл бэлтгэнэ. Мөн баруун аймгууд жилд 25-30 мянган тонн хүчит тэжээл импортолдог нь энэ жилийн хувьд нэмэгдэх төлөвтэй байгаа аж.
Өвлийн бэлтгэл хангах хүрээнд малчдын түвшинд 1.2 сая тонн өвс, 14.9 мянган тонн сүрэл, 88.5 мянган тонн ногоон тэжээл, 57.4 мянган тонн үйлдвэрийн тэжээл, 88.6 мянган тонн гар тэжээл, 13.1 мянган тонн дарш, 116.9 мянган тонн давс, хужир бэлтгэхээр төлөвлөсөн. Аймаг, нийслэл, сум, дүүргийн өвс, тэжээлийн аюулгүйн нөөцөд өвс 25.3 мянга, тэжээл 12.5 мянган тонн бэлтгэх үүрэг өгсөн билээ.
