ХАНЖОУ 2022:И-СПОРТЫН ТАМИРЧИД АЗИЙН НААДМААС МӨНГӨН МЕДАЛЬ ХҮРТЛЭЭ
Нийгэм
Ханжоугийн Азийн наадмын цахим спортын тэмцээнүүд үргэлжилж байна. Өнөөдөр/2023.10.02/ dota 2 төрлийн алтан медалийн төлөөх тоглолт Хятад болон Монголын хооронд өрнөлөө.
Эхний ээлжийн тоглолтод Монголын баг илт илүүрхэж, оддын цуглуулга Хятадын багийг 40 минутанд буулган авсан ч хоёр дахь тоглолтод Хятадын баг учраа олж, ялснаар тоглолтын харьцааг тэнцүүлэв. Улмаар гурав дахь ээлжийн тоглолтод Хятадын баг дахин ялалт байгуулан эх орондоо алтан медаль хүртлээ.
Монголчууд анх удаагаа Азийн наадмын цахим спортын төрлөөс медаль хүртэж байгаа нь энэ.
Ердөө жилийн өмнө дахин dota 2 тоглох эсэх нь эргэлзээтэй байсан Ame, Somnus гэсэн Хятадын супер хослол эх орондоо болж буй Азийн наадамд алтан медалийн авахаар дахин нэгдэж, зорьсондоо хүрлээ.
Монгол Улсаа төлөөлөн оролцож буй “IHC Esports” баг хэсгийн шатандаа Узбекистаныг хожсон ч Мьянмарт ялагдаж, улмаар гурван баг оноо тоолон Монгол хэсгээ тэргүүлсэн. Тэд хасагдах шатанд эхлээд NAVI-ийн Malik, Malady тэргүүтэй Казахстаны хүчирхэг багийг 2-1 гэсэн харьцаатай хожиж, хагас шигшээд Киргизстаны багийг 2-0 гэсэн харьцаатай буулган авсан билээ.
Харин Somnus, Ame, XinQ, Chalise тэргүүтэй өнөө цагийн dota2-ийн шилдэг тамирчдаар бүрэлдэхүүнээ зузаатгасан Хятадын баг хасагдах шатнаас тэмцээнээ эхлүүлж, эхлээд Тайландыг 2-0 гэсэн харьцаатай хожсон. Тэгвэл хагас шигшээд xNova, NothingToSay тэргүүтэй Малайзын сайн багийг хүнд тоглолтын эцэст 2-1 гэсэн харьцаатай буулган авч, финалд шалгарсан.
Тэмцээний өмнө фэнүүд Малайз, Хятадын багуудыг шигшээд шалгарна гэж ярьж байв.
Б.Мөнгөнтамир
Зургийг Ч.Ганбат (МССХ)
