АНУ–Израиль, Ираны мөргөлдөөний улмаас Ойрхи Дорнодын нислэгүүд саатсаар байна
Дэлхийд
Ойрхи Дорнод дахь АНУ–Израиль болон Ираны хоорондын хурцадмал байдлын улмаас хаагдсан агаарын орон зай аажмаар нээгдэж эхэлсэн ч зуу зуун мянган зорчигч аяллын тодорхойгүй байдалд үлдээд байна.Даваа гарагт АНЭУ-аас олон улсын зарим нислэг болгоомжтойгоор сэргэсэн талаар албаныхан мэдээллээ.
Хязгаарлагдмал нислэгүүд сэргэсэн ч ихэнх нь цуцлагдсан хэвээр
Абу Дабид төвтэй Etihad Airways, Дубайд төвтэй Emirates, мөн хямд үнэтэй тээвэрлэгч Flydubai компаниуд тодорхой чиглэлд цөөн тооны нислэг үйлдэж эхэлснээ мэдэгдсэн байна.
Гэсэн хэдий ч Бямба гарагт бүрэн зогсоосон агаарын тээврийн хөдөлгөөн бүрэн хэвийн болоогүй хэвээр байгаа юм.
Дубайн засгийн газраас зорчигчдод “үйл ажиллагаа хязгаарлагдмал байдлаар сэргэж байгаа тул зөвхөн албан ёсоор мэдэгдэл авсан тохиолдолд нисэх буудал руу очих”-ыг анхааруулжээ.
Нислэгийн ихэнх хувь цуцлагдсан хэвээр
Нислэг хянах FlightAware сайтын мэдээлснээр:
-
Дубай руу болон Дубайгаас гарах нислэгийн 80 гаруй хувь
-
Абу Даби руу болон Абу Дабиас гарах нислэгийн 50-иас дээш хувь цуцлагдсан хэвээр байна.
Мөн даваа гарагт Flightradar24 платформ мэдээлэхдээ, Персийн булангийн бүсийн долоон томоохон нисэх буудалд 2,000 гаруй нислэг цуцлагдсан гэжээ.
Үүнд:
-
Dubai International Airport
-
Hamad International Airport
-
Zayed International Airport
-
Sharjah International Airport
-
Kuwait International Airport
-
Bahrain International Airport
-
Al Maktoum International Airport багтаж байна.
Сэтгэгдлүүд