Засаг дарга нарт орон нутгаа “цахим, ногоон, эко” болгох шалгуур тавина
Нийгэм
Засгийн газрын өнөөдрийн хуралдаанд Ерөнхий сайд нэгэн“сонирхолтой”санал оруулж дэмжигджээ. Өмнө нь аймаг, дүүргийн засаг дарга нарын ажлыг хөрөнгө оруулалт, мөрийн хөтөлбөрийн биелэлт зэргийг гол болгон дүгнэдэг байсан бол цаашид хог хаягдлын менежмент, цахим шилжилтийг нэвтрүүлсэн байдал, ногоон байгууламж бий болгосон эсэх шалгуурыг харгалзан үзэх нь зүйтэй гэж Ерөнхий сайд үзсэн байна. Тодруулбал хог хаягдлын менежментэд хоггүй цэвэр орчин, хог хаягдлыг ангиланялгах, боловсруулах зэргийг багтаасан байна. Харин цахим шилжилтэд, авлигыг бууруулах гол хүчин зүйлүүдийн нэг болсон цахим засаглал, төрийн үйлчилгээнд хүний хүчин зүйлийг багасгаж хүнд сурталгүй болгох цахим шилжилтэнд хамрагдсан байдлыг гол шаардлага болгоно гэжээ. Орон нутаг, дүүргийн хэмжээнд цахим шилжилтийн ажил хангалтгүй байгаа нь энэ шалгуурыг тавихад хүргэсэнбайна. Түүнчлэн Монгол улсын нийт нутгийн 70 орчим хувьцөлжиж, бэлчээрийн доройтол газар аваад байгаа энэ үед суурин газруудад мод тарих, ногоон байгууламж бий болгох, хөдөө орон нутагт бэлчээрийг зүй зохистой ашиглах,хамгаалах шаардлага бий болсон. Тиймээс аймаг, дүүргийнзасаг дарга нарын ажлын шалгуурт ерөнхий сайд энэшалгуур үзүүлэлтийг оруулах санал гаргажээ. Улмаар Засгийн газрын өнөөдрийн хуралдаанаар аймаг, дүүргийн засаг дарга нарын ажлыг дүгнэх журамд өөрчлөлт оруулж, шинэчлэн боловсруулахыг Засгийн газрын хэрэг эрхлэх газарт үүрэг болгосон байна.
Холбоотой мэдээ
